ملاوٹ کی عفریت بچوں،بوڑھوں،قوم کی صحت کی خرابی کا باعث بن رہی ہے،وزیراعظم

ملاوٹ کی عفریت بچوں،بوڑھوں،قوم کی صحت کی خرابی کا باعث بن رہی ہے،وزیراعظم

• June 16, 2020, 11:06 am
• Health News
• 123 Views

اسلام آباد: وزیراعظم عمران خان نے کہا ہے کہ ملاوٹ کی عفریت بچوں،بوڑھوں،قوم کی صحت کی خرابی کا باعث بن رہی ہے۔

تفصیلات کے مطابق وزیراعظم عمران خان کی زیر صدارت اجلاس ہوا جس میں چاروں صوبوں کے چیف سیکرٹریز، وزیر نیشنل فوڈسیکیورٹی فخر امام،حفیظ شیخ، رزاق داؤدن اور شہبازگل نے شرکت کی۔اجلاس میں اشیائے ضروریہ کی قیمتوں میں کمی لانے سے متعلق اقدامات کا جائزہ لیا گیا۔

چیف سیکرٹریز نے اشیائے ضروریہ کی قیمتوں میں کمی کے اقدامات پر بریفنگ کے دوران بتایا کہ گندم کی بین الصوبائی نقل وحرکت کی اجازت سے مثبت نتائج آنا شروع ہوگئے،آٹےکی قیمتوں میں مزید کمی لانے سے متعلق اقدامات جاری ہیں۔

اس موقع پر وزیراعظم عمران خان کا کہنا تھا کہ پٹرول،ڈیزل کی قیمتوں میں کمی لانے کا مقصدعوام کو ریلیف فراہم کرنا تھا،فیصلے کے ثمرات ملک بھر کے عوام کو پہنچانے کے لیے حکمت عملی مرتب کریں۔

انہوں نے کہا کہ ملاوٹ کی عفریت بچوں،بوڑھوں،قوم کی صحت کی خرابی کا باعث بن رہی ہے،ماضی میں ملاوٹ کا تدارک کرنے کو نظر انداز کیا جاتا رہا ہے،خالص اشیا کا میسر آنا گڈگورننس کی عکاسی کرتا ہے۔

وزیراعظم کا کہنا تھا کہ گندم کی فراہمی کے ساتھ آٹے کی قیمتوں میں کمی کے لیے اقدامات کیے جائیں،عوام کومناسب قیمت پر آٹے کی فراہمی کو یقینی بنایا جا ئے۔