وزیراعظم نے مرزا محمد آفریدی کو ڈپٹی چیئرمین سینیٹ نامزد کردیا
- March 11, 2021, 3:51 pm
- Political News
- 218 Views
اسلام آباد : وزیراعظم عمران خان نے سابق فاٹا سے تعلق رکھنے والے سینیٹر مرزا محمد آفریدی کو ڈپٹی چیئرمین سینیٹ نامزد کردیا۔
تفصیلات کے مطابق وفاقی وزیر اطلاعات شبلی فراز نے سماجی رابطے کی ویب سائٹ ٹوئٹر پر وزیراعظم عمران خان کی جانب سے مرزا محمد آفریدی کو ڈپٹی چیئرمین سینیٹ نامزد کرنے کی تصدیق کردی۔
دوسری جانب سینیٹر فیصل جاوید نے میڈیا سے گفتگو کرتے ہوئے کہا ڈپٹی چیئرمین سینیٹ کوفاٹا سے لیا گیا ہے، چیئرمین اورڈپٹی چیئرمین دونوں کامیاب ہوں گے۔
اس سے قبل وزیراعظم عمران خان نے تحریک انصاف و اتحادی جماعتوں کے سینیٹرز کے اعزاز میں ظہرانے کا اہتمام کیا تھا ، جس میں عمران خان نے تمام نو منتخب سینیٹرز کو مبارک باد دیتے نومنتخب سینیٹرز کو ووٹ کاسٹ کرنے کے طریقہ کار سے آگاہ کیا۔
ظہرانے میں ڈپٹی چیئرمین سینیٹ کے نام پر بھی مشاورت کی گئی، عمران خان نے کہا کہ سینیٹ الیکشن میں ایک ایک ووٹ کی بہت اہمیت ہے، حکومتی واتحادی نومنتخب سینیٹرز ووٹ کی اہمیت کو سمجھیں ، انشااللہ سینیٹ کایہ معرکہ ہم جیتیں گے۔
Prime Minister Imran khan has nominated Senator Mirza Mohammad Afridi for Deputy Chairman Slot giving representation to Ex FATA PTI member.
— Senator Shibli Faraz (@shiblifaraz) March 11, 2021
یاد رہے گذشتہ روز وزیر اعظم نے اتحادی جماعتوں کے رہنماؤں سے ملاقات کی تھی ، ملاقات میں حکومتی اتحادی جماعتوں نے وزیر اعظم کو ڈپٹی چیئرمین کی نامزدگی کا اختیار دے دیا تھا۔
